டிச.21.
தர்மபுரி, சேலம், நாமக்கல், கரூர், திருச்சிராப்பள்ளி வழியாக ஹூப்பள்ளி (கர்நாடகாவில்) – ராமேஸ்வரம் இடையே ரயில்கள் இயக்கப்படுகின்றன. அதிகரித்து வரும் பயணிகளின் எண்ணிக்கையைக் கருத்தில் கொண்டு, இந்த சிறப்பு ரயில்களின் சேவைக் காலம், கீழே விவரிக்கப்பட்டுள்ளபடி நீட்டிக்கப்பட்டுள்ளது.
ரயில் எண்.07355/ 07356 ஹூப்பள்ளி ராமேஸ்வரம் – வாராந்திர சிறப்பு ரயில்கள்
ரயில் எண்.07355 ஹூப்பள்ளி- ராமேஸ்வரம் வாராந்திர சிறப்பு ரயில் ஹுப்பள்ளியில் இருந்து சனிக்கிழமைகளில் காலை 06.50 மணிக்குப் புறப்பட்டு ஞாயிற்றுக்கிழமைகளில் காலை 6.15 மணிக்கு ராமேஸ்வரம் சென்றடையும்.
ராமேஸ்வரம் – ஹூப்பள்ளி வாராந்திர சிறப்பு ரயில் ராமேஸ்வரத்தில் இருந்து 05.01.2025 முதல் 29.06.2025 வரை ஞாயிற்றுக்கிழமைகளில் 21.00 மணிக்குப் புறப்பட்டு, திங்கட்கிழமைகளில் ஹுப்பள்ளியை 19.40 மணிக்கு சென்றடையும்.
கலவை பெட்டிகள்: ஏசி 2-அடுக்கு, ஏசி 3-அடுக்கு, ஏசி 3-அடுக்கு, ஸ்லீப்பர் வகுப்பு & பொது இரண்டாம் வகுப்பு. நிறுத்தங்கள்: ஹாவேரி, ராணிபென்னூர், ஹரிஹர், தாவணகெரே, சிக்ஜாஜூர், பிரூர், அரசிகெரே, திப்தூர், தும்கூர், பானஸ்வாடி, ஓசூர், தர்மபுரி, சேலம், நாமக்கல், கரூர், திருச்சிராப்பள்ளி, புதுக்கோட்டை, காரைக்குடி, சிவகங்கை, மானாமதுரை மற்றும் ராமநாதபுரம்.
சேலம் கோட்டத்தில் உள்ள ரயில் நிலையங்களில் வந்து செல்லும் நேரங்கள்:
ரயில் எண்.07355 ஹூப்பள்ளி ராமேஸ்வரம் வாராந்திர சிறப்பு ரயில்: (சனிக்கிழமைகளில்) சேலம் 19.50/19.55 மணி; நாமக்கல் 20.44/20.45 மணி; கரூர் – 21.58/ 22.00 மணி.
ரயில் எண்.07356 ராமேஸ்வரம் ஹுப்பள்ளி வாராந்திர சிறப்பு ரயில்: (திங்கட்கிழமைகளில்) கரூர் – 03.48/03.50 மணி; நாமக்கல் 04.19/04.20 மணி; சேலம் 05.40/05.50 மணி.
மறு அறிவுரை வரும் வரை பாம்பன் ரயில் பாலம் வழியாக ரயில்களின் இயக்கம் நிறுத்தப்பட்டுள்ளதால், ஹூப்பள்ளி- ராமேஸ்வரம் – ஹூப்பள்ளி வாராந்திர சிறப்பு ரயில்கள் ராமநாதபுரம் ராமேஸ்வரம் இடையே பகுதியாக ரத்து செய்யப்பட்டுள்ளது. இதனால், ஹூப்பள்ளி- ராமநாதபுரம் – ஹுப்பள்ளி இடையே மட்டும் ரயில்கள் இயக்கப்படும் என சேலம் கோட்ட ரயில்வே நிர்வாகம் தெரிவித்துள்ளது.
