ஈரோடு மற்றும் செங்கோட்டை ரயில் சேவையில் மாற்றம்

பிப்.6.

கரூர் – ஈரோடு ரயில் நிலையங்களுக்கு இடையில் அமைந்துள்ள பாசூர் – சாவடிப்பாளையம் ரயில்வே யார்டுகளில் தண்டவாள பராமரிப்பு பொறியியல் பணிகள் நடைபெறுவதால், பிப்ரவரி 08 & 10, 2025 அன்று ரயில் சேவைகளில் மாற்றங்கள் செய்யப்பட்டுள்ளன.

குறுகிய ரயில் சேவைகள் நிறுத்தம்-

திருச்சிராப்பள்ளி சந்திப்பிலிருந்து காலை 07.20 மணிக்கு புறப்பட திட்டமிடப்பட்டுள்ள ரயில் எண்.56809 திருச்சிராப்பள்ளி – ஈரோடு பயணிகள் ரயில், பிப்ரவரி 08 & 10, 2025 அன்று கரூர் ரயில் நிலையத்தில் குறுகிய பயண நிறுத்தம் செய்யப்படும். இந்த ரயில் திருச்சிராப்பள்ளி சந்திப்பிலிருந்து கரூர் வரை மட்டுமே இயக்கப்படும்; அந்த நாட்களில் கரூரில் இருந்து ஈரோட்டுக்கு இயக்கப்படாது.

. செங்கோட்டையிலிருந்து காலை 05.10 மணிக்குப் புறப்பட வேண்டிய ரயில் எண்.16846 செங்கோட்டை – ஈரோடு எக்ஸ்பிரஸ், பிப்ரவரி 08 & 10, 2025 அன்று கரூர் ரயில் நிலையத்தில் குறுகிய நிறுத்தப்படும். இந்த ரயில் செங்கோட்டையிலிருந்து கரூர் வரை மட்டுமே இயங்கும்; அந்த நாட்களில் கரூரில் இருந்து ஈரோட்டுக்கு இயக்கப்படாது.

பி. பின்வரும் ரயில் சேவையின் தொடக்க நிலையம் மாற்றப்படும்-

ஈரோட்டில் இருந்து பிற்பகல் 2.00 மணிக்குப் புறப்பட வேண்டிய ரயில் எண்.16845 ஈரோடு- செங்கோட்டை எக்ஸ்பிரஸ், பிப்ரவரி 08 & 10, 2025 அன்று கரூரில் இருந்து பிற்பகல் 3.05 மணிக்குப் புறப்படும். இந்த ரயில் ஈரோட்டில் இருந்து கரூர் வரை இயக்கப்படாது; அந்த நாட்களில் கரூரில் இருந்து புறப்பட்டு செங்கோட்டை வரை இயக்கப்படும். இத்தகவலை சேலம் கோட்ட ரயில்வே நிர்வாகம் தெரிவித்துள்ளது.