டிச.17.
தமிழக அரசு குறு, சிறு மற்றும் நடுத்தர நிறுவனங்கள் துறை சார்பில் கைவினை கலைஞர்களை ஊக்குவிக்கும் வகையிலும், தொழில் முனைவோர்களாக உருவாக்கிடும் நோக்கத்துடனும் ‘கலைஞர் கைவினை திட்டம் (KKT) என்ற திட்டத்தினை அறிமுகப்படுத்தி அரசு ஆணை வெளியிடப்பட்டுள்ளது. இத்திட்டத்தில் கைவினை கலைஞர்களுக்கு மானியத்துடன் கூடிய வங்கி கடன் உதவியும் மற்றும் தொழில் முனைவோர் மேம்பாட்டு பயிற்சியும் வழங்கப்படும் என குறு, சிறு மற்றும் நடுத்த நிறுவனங்கள் துறை அமைச்சர் அன்பரசன் தெரிவித்துள்ளார்.
கலைஞர் கைவினை திட்டத்தில் அதிக பட்சமாக ரூ. 50,000 வரை 25சத மானியத்துடனும், ரூ.3,00,000.வரை வங்கி கடன் உதவியும்,5 சதவீதம் வட்டி மானியமும் வழங்கப்படும். இத்திட்டத்தில் விண்ணப்பிக்க 35 வயது பூர்த்தி அடைந்தவராக இருக்க வேண்டும். கைவினைத் தொழில் மற்றும் கைவினைக் கலைகளில் ஈடுபட்டு வரும் மக்கள் பயனடையும் வகையில் புதிய தொழில் தொடங்கவும் செய்யும் தொழிலை விரிவாக்கம் செய்திடவும் கடனுதவி வழங்கப்படும்.
கட்டட வேலைகள், மர வேலைப்பாடுகள், பாரம்பரிய முறையில் ஜவுளி அச்சிடுதல், தோல் கைவினை பொருட்கள் காலணிகள் தயாரித்தல், மீன் வலை தயாரித்தல், நகை செய்தல், சிகையலங்காரம், அழகுக்கலை, துணி நெய்தல், துணிகளில் கலை வேலைப்பாடுகள், பூட்டு தயாரித்தல்.தையல் வேலை, கூடை முடிதல், கயிறு. பாய் பின்னுதல், துடைப்பான் செய்தல் மண் பாண்டங்கள் சுடு மண் வேலைகள் பொம்மை தயாரித்தல், படகுக் கட்டுமானம், துணி வெளுத்தல்,சிற்ப வேலைப்பாடுகள், கற்சிலை வடித்தல், ஓவியம் வரைதல், வண்ணம் பூ,சுதல், கண்ணாடி வேலைப்பாடுகள், பாரம்பரிய இசைக்கருவிகள் தயாரித்தல், மலர்- உலோக வேலைப்பாடுகள், பாசிமணி வேலைப்பாடுகள்,பழங்குடியினரின் இயற்கை சேகரிப்புகள், கைவினைப் பொருட்கள், மூங்கில் பிரம்பு, சணல் பனை ஓலை வேலைப்பாடுகள் போன்ற 25 வகையான கைவினைத் தொழில்கள் இத்திட்டத்தின கீழ் விண்ணபிக்க தகுதியுடைய தொழில்களாக அறிவிக்கப்பட்டுள்ளது.
இத்திட்டத்தில் பயன்பெற www.msmeonline.tn.gov.in என்ற இணையதள முகவரியில் விண்ணப்பிக்கலாம். கரூர் மாவட்டத்தில் உள்ள மேற்காணும் தொழிலில் ஈடுபட்டுள்ள கைவினைஞர்கள் இந்த நல்வாய்ப்பினை பயன்படுத்திக்கொள்ளுமாறும் மேலும் விவரங்களுக்கு பொது மேலாளர் மாவட்ட தொழில் மையம் சத்யமூரத்தி நகர் தாந்தோணிமலை, கரூர் 630007 அலுவலகத்தினை தொடர்பு கொண்டு விவரங்களை பெற்றுக் கொள்ளலாம் எனவும் கரூர் மாவட்ட கலெக்டர் தங்கவேல் தெரிவித்துள்ளார்.
