நவ.3.
கர்நாடகாவில் உள்ள ஹுப்பள்ளி – ராமநாதபுரம் இடையே தர்மபுரி, சேலம், நாமக்கல், கரூர், திருச்சிராப்பள்ளி வழியாக வாராந்திர சிறப்பு ரயில்கள் இயக்கப்படுகின்றன. அதிகரித்து வரும் பயணிகளின் எண்ணிக்கையைப் பூர்த்தி செய்வதற்காக, இந்த சிறப்பு ரயில்களின் சேவை காலம் கீழே விவரிக்கப்பட்டுள்ளபடி நீட்டிக்கப்பட்டுள்ளது.
ரயில் எண்.07355/07356 ஹுப்பள்ளி- ராமநாதபுரம்- ஹுப்பள்ளி வாராந்திர சிறப்பு ரயில்கள் ரயில் எண்.07355 ஹுப்பள்ளி- ராமநாதபுரம் வாராந்திர சிறப்பு ரயில் சனிக்கிழமைகளில் காலை 06.50 மணிக்கு ஹுப்பள்ளியில் இருந்து புறப்பட்டு 01.11.2025 முதல் 29.11.2025 வரை (5 சேவைகள்) ஞாயிற்றுக்கிழமைகளில் காலை 05.00 மணிக்கு ராமநாதபுரத்தை அடையும். ரயில் எண்.07356 ராமநாதபுரம்- ஹூப்பள்ளி வாராந்திர சிறப்பு ரயில் 02.11.2025 முதல் 30.11.2025 வரை ஞாயிற்றுக்கிழமைகளில் இரவு 22.00 மணிக்கு ராமநாதபுரத்தில் இருந்து புறப்படும் (5 சேவைகள்) திங்கட்கிழமைகளில் இரவு 7.40 மணிக்கு ஹூப்பள்ளியை சென்றடையும். பெட்டிகள் – ஏசி 2-டயர், ஏசி 3-டயர், ஏசி 3-டயர் எகானமி, ஸ்லீப்பர் கிளாஸ்கள் மற்றும் ஜெனரல் செகண்ட் கிளாஸ் பெட்டிகள். ஹாவேரி, ராணிபென்னூர், ஹரிஹார், தாவணகெரே, சிக்ஜாஜூர், ஆகிய இடங்களில் நிறுத்தப்படும். பிரூர், அரசிகெரே, திப்தூர், தும்கூர், பானஸ்வாடி, ஓசூர், தருமபுரி, சேலம், நாமக்கல், கரூர், திருச்சிராப்பள்ளி, புதுக்கோட்டை, காரைக்குடி, சிவகங்கை மற்றும் மானாமதுரை வழியாக செல்லும்.
சேலம் கோட்டத்தில் உள்ள ரயில் நிலையங்களின் நேரங்கள்: ரயில் எண்.07355 ஹப்பள்ளி- ராமநாதபுரம் வாராந்திர சிறப்பு ரயில் (சனிக்கிழமைகளில்) சேலம் 19.50/19.55 மணி; நாமக்கல் 20.44/20.45 மணி: கரூர் 21.58/22.00 மணி. ரயில் எண்.07356 ராமநாதபுரம்- ஹூப்பள்ளி வாராந்திர சிறப்பு ரயில் (திங்கட்கிழமைகளில்) கரூர் 03.48/03.50 மணி, நாமக்கல்-04.19/04.20. சேலம் 5:45, 5.50. மேற்கண்ட தகவலை சேலம் கோட்ட ரயில்வே நிர்வாகம் தெரிவித்துள்ளது.
